كتبت: مروة حسن
خرجت الفنانة ريهام حجاج عن صمتها بعد ساعات من إعلان الفنانة ياسمين والفنان أحمد العوضي إنفصالهما بعد زواج دام 4 سنوات وتداول رواد مواقع التواصل الإجتماعي كلام على لسان “ريهام” تكشف خلاله عن كونه “أسعد أيام حياتها” بسبب إنفصال “ياسمين” و”العوضي”، وذلك نظرًا لأرتباط “ريهام” بزوج ياسمين السابق رجل الأعمال محمد حلاوة.
ونشرت “ريهام” مقطع فيديو عبر حسابها الرسمي على “إنستجرام”، قامت خلاله بتوضيح الأمر لمتابعيها قائلة: “طالعة النهاردة أعمل الفيديو ده علشان أرد وأنا مش متعودة الحقيقة أني أرد على أي إشاعات أو أي افتراءات، حصل قبل كده بقالي 6 سنين كلام أنا عمري ما قولته وبيتقال حاجات عمرها ما حصلت مني وأنا عمري ما رديت”.
وإستكملت:” بس النهاردة قررت أني أرد وسخافة أوي بصراحة وقلة احترام وقلة دين وقلة تربية أني أبقي قاعدة في البيت لا بيا ولا عليا وكان بقالي 7 ساعات مامسكتش الموبايل أصلا، وفجأة إكتشف أني منزلة استوري ومسحتها واستوري كاتبة فيها إنه أحلى يوم في حياتي وسخافات كده مالهاش أي علاقة لا بيا ولا ولاعليا وكان بقالي 7 ساعات مامسكتش الموبايل أصلا، وفجأة اكتشف أني منزلة استوري ومسحتها واستوري كاتبة فيها إنه أحلى يوم في حياتي وسخافات كده مالهاش أي علاقة لا بيا ولا بأخلاقي”.
وإختتمت: “وحابة أرد بقي النهاردة لأني بعد كده مش هسمح لحد إنه يطلع عليا إشاعات وأسكت أنا معملتش كده وناس كتير أوي متبعاني وباعتين لي بيقولولي انتي منزلتيش حاجة والناس بتقول إنه منتشر على صفحات كتير كلها صفحات رخيصة بتدور على الفتنة والوقيعة بين الناس”.
وكتبت ريهام حجاج تعليقا على الفيديو التي بثته قائلة ” عيب إحترمو نفسكم بقا وخللي عندكم دين وأخلاق بدل الإنحدار إللي بقيتو فيه دا… حاتتعظوا امتة دا الناس في غزة بتموت وانتم فاضيين للشر والافتراء.
يذكر أن ريهام حجاج تعاقدت مؤخرًا على بطولة مسلسل “صدفة” والمقرر عرضه خلال موسم دراما رمضان 2024.
