Skip to content
عدد المشاهدات 55
قالت هالة صدقي في مداخلة هاتفية مع الإعلامي عبد العزيز أحمد في برنامج “مساء الإمارات” المذاع على قناة الظفرة “بقالي سنين
مقدمتش مسرح وكنت متخوفة جدا لأن على حسب ما بسمع أن في زملاء بيروحوا يقدموا حاجات ممكن متبقاش على المستوى المطلوب
وانا ست كلاسيكية والمسرح عندي يعني لازم يبقى في موضوع مش مجرد ضحك وبس” وتابعت “بعد ما قدمنا المسرحية أنا اتخضيت من
رد الفعل والتجاوب وكان كامل العدد خمس أيام العرض وبدون دعاية تقريبا لكن الناس جابوا بعض والجمهور متشوق، وهي تجربة أنا
سعدت بيها، واتمنى عرضها مرة أخرى لكن معنديش فكرة” واختتمت حديثها عن المسرحية وقالت “في مسرحية صوابع زينب الجمهور
مكنش بس السعودي كان في عراقيين وسوريين ولبنانيين ومصريين ومن كل أنحاء العالم أنا مش بعمل مسرحية للمواطن السعودي فقط
لكن لكل المواطنيين واللي موجودين في السعودية بالتالي المسرحية للامارات ولسوريا وللعراق وكل الوطن العربي وحاجة تسعدنا أنهم
بيستعينوا بالفنانيين المصريين علشان يسعدوا شعبهم” عن خبر إطلاق اسم عادل إمام على أحد الكباري بالقاهرة قالت “صليت أنهم
يعملوا نفق باسمي، أنا أول مرة اسمع الخبر دة لكن لو صح فدي أقل حاجة هو أكبر من كدة بكتير وعن فيلم “كتف قانوني” قالت “بكرة
هروح اصور أفيش الفيلم وخلال الشهر دة هينزل وهاجي احضر عرضه في دبي” كما أعلنت هالة صدقي عن عدم مشاركتها في الموسم
الرمضاني المقبل.
