سمية الخشاب تثير الجدل بعد تعليقها على الثانوية العامة ” الشهادة هتقرطسها وتحط فيها طعمية “

تصدر اسم النجمة سمية الخشاب، محركات البحث، بعد تصريحاتها الأخيرة التي أثارت جدلًا وانتشارًا واسعًا وأكدت فيها عبر تغريدة نشرتها عبر حسابها الرسمي بموقع «إكس»، أمس، معلقة على بدء امتحانات الثانوية العامة قالت فيها: «يا حبايبي الجو حر.. ملخصات إيه؟!.. إسقطوا وخلاص، ياللي في الثانوية العامة اليومين دول، الشاطر اللي بيجيب فلوس».

وأضافت سمية الخشاب: «التعليم مش بيحدد لا مصير ولا نيلة، بتعرف تجيب فلوس هتعرف تتجوز وتسافر، مبتعرفش يبقى الشهادة هتقرطسها وتحط فيها طعمية».

وفي تصريحات خاصة لـ«المصري اليوم» قالت سمية الخشاب: «رأيي أن الشهادات العالية هي حلم كل أم وأب، إنهم يشوفوا ولادهم دكاترة أو مهندسين أو محامين، وهو تصور خاطئ لأن البلد محتاجة تخصصات مختلفة بدليل أن كثيرا من خريجين الجامعات يعلمون بمهن بعيدة تمامًا عن الشهادة التعليمية، أنا على سبيل المثال تخرجت في كلية التجارة، واشتغلت في مجال البنوك والسياحة بعد التخرج وماحسيتش إني هاحقق حاجة، لأن ميولي كانت فنا من صغري، والآن أنا عضو عامل بنقابة المهن الموسيقية والتمثيلية والحمد لله ناجحة في عملي، الشهادة عملناها قراطيس».

وعن سبب دعمها لطلاب الثانوية العامة في كل عام أكدت سمية الخشاب: «عشان بكون حاسة بيهم جدًا وبيصعبوا عليا، عشت تلك الأيام وكنت بابقي متوترة جدًا فترة الامتحانات».